حددت دار الإفتاء المصرية، تفاصيل قيمة زكاة الفطر للعام الجاري رمضان 1445 هجريا، بطريقة سهلة وبلغة عامية بسيطة تناسب كافة المواطنين، وهي فريضة على على كل مسلم ويتم إخراجها أي وقت خلال شهر رمضان المبارك، ويحل للمسلم إخراجها حتى صلاة عيد الفطر المبارك.
قيمة زكاة الفطر 2024
وقالت دار الإفتاء المصرية من خلال منشور لها عبر صفحتها على موقع التواصل الاجتماعي فيسبوك: “حسبناها على القمح اللي هو نوع من الأنواع المذكورة في سنة سيدنا رسول الله صلى الله عليه وآله وسلم والخاصة بزكاة الفطر، بالإضافة إلى أنه غالب طعام المصريين بيتعمل منه العيش اللي هو وجبة أساسية وكمان بيدخل في أطعمة كثيرة جدًا”.
وأضافت دار الإفتاء في منشورها: “طيب سعر أردب القمح كام السنة دي ٢٠٠٠ جنيه مصري من أحسن الأنواع، وأردب القمح فيه ١٥٠ كيلو، يبقى سعر الكيلو كام ١٣.٣٣ ثلاثة عشر جنيه وثلاثة وثلاثون قرشًا تقريبًا، طيب والزكاة أد ايه في القمح ( ٢.٠٤ كيلو)، يبقى نضرب ٢.٠٤كيلو * ١٣.٣٣، يطلع الناتج ٢٧.١٩ جنيه مصري”.
الحد الأدنى لزكاة الفطر 2024
وعن الحد الأدنى لزكاة الفطر، قالت دار الإفتاء المصرية في بيانها إلى أن “٣٥ جنيها زيادة عن الحد الأدنى و٣٥ جنيه الحد الأدنى (يعني طلع أكتر من ٣٥ جنيه لو معاك ودخلك يسمح لك)، واللى مش هيقدر فأقل حاجه يطلعها عن الفرد ٣٥ جنيه، واللي شايف إن ٣٥ جنيه قليل مش هتعمل حاجه يبقى تطلع ما ترضاه نفسك وتحس إنه له قيمه لكن لا تقل عن ٣٥ جنيه ولا تلزم غيرك يطلع زيك لأن ممكن يكون غير قادر”.
واختتمت دار الإفتاء بيانها: “كمان تقدر تطلعها فلوس لا تشتر بها شيء؛ لأن بعض الناس مفكره إن ناخد الفلوس نشتري بها أرز مثلا،، لأ طلعها فلوس وربنا يتقبل منك، وكمان يجوز إخراجها من أول رمضان لحد قبل صلاة العيد، ولو ما عرفتش فلا مانع إنك تطلعها يوم العيد لحد غروب الشمس ودا على مذهب الشافعية ومن وافقهم”.
التعليقات