تقدم عدد كبير من المواطنين بشكاوى بشأن رسائل مخالفات المرور خلال الساعات القليلة الماضية، وأكدوا عدم ارتكابهم لتلك المخالفات وأنها تعود لشهور سابقة ولديهم الدليل لإثبات ذلك، الأمر الذي أثار حالة واسعة من الجدل على مواقع التواصل الاجتماعي وتسببت في بلبلة كبيرة بين المواطنين.
رسائل مخالفات المرور تثير الجدل بين المواطنين
وصرحت جهاد محمود، بأنه تلقت عدة رسائل على هاتفها تؤكد تسجيل مخالفات خاصة بسيارتها، وتجاوزت قيمة المخالفات 2000 جنيه، وأشارت جهاد إلى أن هذا الأمر غير الطبيعي، لكون سياراتها مركونة وقد توقفت عن استخدامها بسبب ظروف حملها والتي أجبرتها على البقاء في المنزل، وأن زوجها سافر للعمل ولا يوجد أحد غيرها في المنزل، وأضافت جهاد “إزاي يعني العربية عملت أكتر من مخالفة وهي راكنة تحت البيت مبتتحركش خالص”.
وشارك عدد كبير من رواد مواقع التواصل الاجتماعي تفاصيل رسائل المخالفات التي وردت إليهم، وكتب حساب باسم (هـ ح) “يا جماعة حد يعرف حد في المرور يفيدني، عندي مخالفات بتتبعت لي بأثر رجعي من ٦ شهور بقالي أسبوع، المخالفات وصلت ٧ آلاف وشوية، مخالفات من شهر ٢ و٦ و٧ كلها بتجيلي الأسبوع ده فجأة”، وأضافت آخر “الي امبارح وأول امبارح أربع مخالفات رادار، أنا من الناس اللي فعلا ممكن تسرح وتتخطى السرعة المقررة بس بحاجات بسيطه، اسمع في بلاد العالم إن فيه نسبة سماح يعني لو السرعة المقررة ستين وأنت جبت خمسة وستين ما تتاخدش مخالفة ممكن تاخد لفت نظر ولو اتكررت تاخد مخالفة”، وتابع “في مصر لو جبت واحد وستين ولو اتكررت تتضاعف المخالفتين، وتجيلك مخالفات من شهر يونيو وإحنا في سبتمبر، بس ماشي مش هقول حاجه لأني مخالفة فعليا لكن واحد زي أخويا لا يمكن يخالف وأكتر إنسان في الدنيا بيحترم القانون حتى لو مش مقتنع بيه وبيربط الحزام قبل ما يقفل الباب حتى يتاخد مخالفة حزام وهو رابطه والصورة متاخدة من زاوية مش واضحة ده يخليني أقول التزم ليه بقى إذا الملتزم بيتجازى برضه ظلما”.
وبالتزامن مع كثرة شكاوى المواطنين بهذا الخصوص، أعلنت المحامية صابرين السيد، المحامية بالاستئناف العالي ومجلس الدولة من محافظة الإسكندرية، عن تخصيصها قسم بمكتبها لاستقبال شكاوى المرور والتعامل معها، وأوضحت صابرين “جالي شكوى من شخص متصور في يوم إنه واخد مخالفة رغم إن عربيته في اليوم ده كانت في الفحص”، مؤكدةً على انتشار حالة كبيرة من الفوضى بشأن رسائل مخالفات المرور على مواقع التواصل الاجتماعي وبين المواطنين، وأكملت “شخص تاني كان مريض في اليوم اللي سجلت عليه المخالفات، وفي ناس جايلها مخالفات من شهر ٥ و٦ و٧ في أوقات جددوا فيها الرخص ومكانش عليهم غرامة وقت التجديد”.
وتابعت المحامية صابرين “جالي شكاوى كتير جدا، وفي إثباتات على إن الناس معملتش المخالفات دي، مثلا كلمني واحد مسافر برا مصر وعربيته مركونة واتسجل عليه مخالفات”، وأشارت صابرين إلى تلقيها عدد كبير من الشكاوى من الإسكندرية والتي كانت بخصوص طريقة واحد في سوهاج وهو طريق طهطا على الرغم من عدم زيارة أصحاب السيارات إلى سوهاج من قبل، ما يجعل هذا الأمر غير منطقي بالمرة، وأنهت صابرين حديثها “التظلم ب١٠٠ جنيه وممكن تتشال الغرامة أو يتم تخفيضها أو لا تخفض نهائيا، يعني تتسجل عليك مخالفة معملتهاش تروح تتظلم وتدفع ١٠٠ جنيه وممكن تدفع الغرامة بردوا أو حتى لو الغرامة اتشالت أنت دفعت ١٠٠ جنيه دون ذنب”.
التعليقات